Tiwadak
Lampini
Ui...
,ui... abah nya ,, tadangar sin nyaringan suara bibinian yang sudah bekapala
tiga mangiau lakinya. Napa umanya, adakah baduit , minta nah sagan nukar
gulapung sakilu. Ada ai, ambil ha didalam sasala kupiah ku yang hirang tu.
Inggih. Kada lawas tadangar pulang umanya bakuriak . tuh u..utuh ijai, napa ma
jar nya manyahuti. Kasia hulu, tukarakan mama gulapumg sakilu wadah acil irus
lah. Inggih angsulan nya sagan ulun lah. Ayuhaja. Ujar umanya manyahuti. Kada
lawas tadangar bunyi lawang kakariut yang kasat dibuka ulih si utuh ijai. Ma
uma nah gulapung nya jar utuh ijai sambil mangucup gulabatu nang inya tukar
ulihan angsulan nukar gulapung tadi. Uh..andak hi diatas mija tu hulu mama
handak basuhi piring hulu nah. Inggih.ujar ijai manyahuti.
Astagfirullahalajim
jar umanya ijai takajut. Uma ai maka aku sudah tatukar-tukar gulapung hi pulang
sakalinya pisang nya buruk dah. Dimapa ngini lih ujar umanya utuh gagarunu
surangan. Imbah tu taingat inya lawan kabun tiwadak ampun lakinya nang mulai babuah
sudah. Ancap ai inya kaluar handak batamu abah nya ijai. Abah nya ijai, uh jar
nya manyahuti. Napa umamu. Tiwadak kita tu sudah kah bamula babuahan. I’ih
napang tie, tagal mun nya handak yang masak mau kadada pang sualnya hanyar haja
babuahan. Ummai lih ujar umanya pina saki hati. Tagal ayuhaja nah, aku
malihatiakan hulu luku adakah. Lakas takurihing umanya ijai kasanangan.
Kakaciut
ha bunyi suara sapida unta abahnya ijai nang sudah baumur mamitung tahun nintu
dah. Padahal jakanya handak manukar kira-kira kawa haja tagal abahnya ijai ni
urang nya apik lawan duit. Jadi mun nya kawa haja lagi dibatak sapida nangintu
kada taha pacangan handak manukar nang hanyar inya. Adakalu dudua puluh manit
sampai ai dikabun tiwadak nang andak nya disubarang batang banyu ngintuh.
Dililihat nya ai.. kuliling-kuliling inya baputar-putar mancari’i kalu ada tuh
jua. Dabuk jar tadangar suara mulai balakang. Dilihatinya sakalinya tiwadak jua
ai yang gugur. Umma ai jar inya tiwadak lampini wara am nah. Dasar rajaki
umanya jua nah. Imbah tu salajur ai inya manunggang sapida nya tulak babulik
tuju karumah lawan hati nang kasasanangan. Dijalan gagarunu inya surangan.
Sanang haja umanya nih. Maka tiwadak lampini pulang bah harum ha ulang baunya
nah, nyata dah manis isinya ni.
Umanya ijai..u...umanya ijai, uh
napang, jar umanya ijai manyahuti. Dasar rajaki mu jua, ada ai nah hanyaram
gugur tuti pada puhun nya, maka harum bangat nah bau nya. Iya lih, umma ai lih
dasar rajaki ku jua. Ayu ha abahnya ai. Hadangi ha, ku maulahakan sanggar
tiwadak hulu.
Ancap ai
umanya kadapur maulahakan sanggar tiwadak. Kada lawas tacium bau sanggar
tiwadak nang bau ya sampai kaluar. Tacium ulih abahnya. Ancap ai abahnya ni
kapadu kalu sudah masak sanggar tiswadaknya. Dilihati dasar bujur jua ai,
hanyar umanya ijai mambangkit mulai rinjing. Jah datang saurang nya jar umanya
ijai malihat abahnya ijai pina bajalan tuju kapadu. Incman toe aku handak
mhiyau dah. Nah, makan hi dah aku mahiau ijai hulu. Ih ujar abah nya ijai
mai’ihakan.
Jai..
u...jai... apa bulik hul, napang ma. Tu handak lih sanggar tiwadak. Lakas ai
uutuh ijai naik karumah nuju kapadu manunti abahnya nang sudah duduk diwatun
padu sambil makan sanggar tiwadak ulahan umanya ijai ti.
